Placebo - Role Playing Escape Rooms

Placebo - Role Playing Escape Rooms

أحنا بنحاول نجيبلكم الخروجات المختلفة اللى فعلا الواحد يحس فيها أنه خرج برة المود خالص وبيقعد ساعة فى المكان بس بيطلع من المكان ده وهو منتشى كدة وحاسس أنه مبسوط
.. والخروجة دى تنفع اوى لشلة صحاب او المتجوزين بنات واولاد ..بجد بتبقى حاجة ممتعه لكل اللى بيجربها
أحنا كنا جربنا من فترة الرووم اللى أسمها ALTER وكانت عجبتنا جدا وقررنا أننا نخوض التجربة فى الرووم الجديدة اللى أسمها Limbo

الحكاية باختصار مش أن أنت بتحل ألغاز معقدة او بتعيش قصة رعب ... لأ الناس دى بتختلف فى حاجة ان هما عاملين زى قصة وانتوا أبطالها وكل واحد فيكم ( العدد ميزدش عن 5 ) بيحاول يعرف هو دورة أيه فى القصة دى وهو انهى واحد من الشخصيات وبتحاولوا تساعدوا بعض أنكم تخرجوا من المتاهة اللى انتوا دخلتوها دى ..
أحنا مش هنحرق الأحداث ولا هنقول اى تفاصيل عاشان منضيعش متعة اللعبة بس بنقولكم ان بجد المكان ده من أكتر الاماكن اللى أستمتعنا فيه
المكان فى أكتر شارع حيوى فى المعادى هو شارع 9 بس أول ما بتدخل عندهم بتحس أنك دخلت جوه غريب و مجنون كأنك ابتديت اللعبة قبل ما تخشها من الديكور و اللوحات والاقنعه اللى على الحيطان
اللعبة مش عاوزة ذكاء على اد ما هى عاوزة ترتيب افكاركم وادواركم
الاسعار:
فردين : ١٥٠ جنيه للفرد 

الاستعلام 01028714842