فكرة جديدة

بوينت

اللى زهقان من الخروجات التقليدية هيعجبة المكان دة أوى ..وبصراحة فكرة المكان ممتازة 
سواء بنات أو أولاد او حتى الواحد ممكن ياخد اولادة ويلعب معاهم فى مكان زى دة .. ( بس الغريب بقى إننا روحنا المكان ده مرتين ولاحظنا ان اللى مهتم بالحاجات دى البنات أكتر 😊 )
المكان دة أنت بتأجر اوضه من ال3 اللى موجودين فيه ( على حسب عددكم ) وبتلعبوا فيها اللى انتوا عاوزينه ..يعنى اللى هيلبس النضارة ال VR وتركب السماعات وتنعزل خالص عن اللى حواليك بمعنى الكلمة ..وتعيش احلى جيم على البلاى ستيشن.. يعنى لو هتركب غواصه هتلاقى نفسك راكبها بجد او راكب دبابة أو طاير فى الفضاء أو حتى متحول لطائر فى السماء وتعيش الدور ده بجد
المكان فيه أكتر من 22 لعبة مختلفة ..يعنى الجو بتاع السايبر بتاع زمان انتهى هنا هتقوم تقف وتلبس النضارة وتبقى واحد من شخصيات اللعبة وانت من كتر جمال الالعاب هتحتار تلعب ايه ولا ايه بس أحنا بنقولك إختار الألعاب الرعب وأمسك نفسك بقى يا نجم .. ده غير ان فى العاب زى الدومينو الطاولة .. يعنى اللى زهقان من قعدة الكافيهات ممكن تجمعوا بعض وتحجزوا أوضه وتقضوا فيها يومكم ..
حتى اللى عاوز يلعب فيفا او بيس 2017 و2018 كمان 😉 هيلاقى المكان جديد وأسعارة مش فارقه كتير عن بره بس الميزه هنا بقى أنك لو أتغلبت مش هتتحجج بالدراع لان كل حاجة لسة جديدة 😊
أنت كمان ممكن تروح ومتلعبش ممكن مثلا تقولهم على فيلم أنت عاوز تشوفه وهما يجيبهولك او انت هاتوا معاك وقعدوا اتفرجوا مع بعض ع الفيلم على شاشات كلها 50 بوصة بجد هتلاقوها فكرة جديدة وهتتبسطوا بيها أوى ..أو حتى تروح وتاخد اللاب توب بتاعك وتخلض شغلك او تذاكر حتى لان سرعة النت ( 16 ميجا ) أنت متخيل يا مان 16 ميجا هتعمل بيهم اللى انت عاوزة
وكمان كل شهر بيعملوا مسابقات والجوايز بتاعتهم مختلفة بجد، الشهر ده اكتر واحد هايلعب VR هايتعشى في باخرة متحركة وأكتر واحد هايلعب PS هاياخد 3 ساعات VR هدية. المسابقة دي خلال شهر اكتوبر.
ممكن كمان ساعة الماتشات تتصل وتحجز معاهم أوضه خاصه واتفرج بمزاج مع اصحابك بعيد عن دوشة القهاوى 
للاستعلام 01028714842