أفريكانو بارك
أكبر حديقة حيوان مفتوحة فى مصر .. أنت هنا بتدخل بتعيش أجواء الغابات فعلا وانت فى عربيتك فى حتت قليلة ممكن هناك تتمشى فيها على رجليكم علشان مفيهاش خطورة بس انك تبقى ماشى بعربيتك ( ودة الافضل ) وكمان لو معاك اطفال وواقف بالعربية مثلا والقرود بتتنطط ع العربية والنعام يجيلك لحد الشباك دة كلة بيخلق حالة جميلة من البهجة ويا سلام بقى لو عربيتك فيها سقف بانوراما حتبقي الرحلة متعة .. بس لو تعرف تلموا اى عدد وتأجروا ميكروباص مثلا يبقى التكلفة تقل لان السعر بيبقى على العربية مش على حسب الافراد
نص البارك تقريبا فيها زى نهر صغير كدة فية سيد قشطة وممكن تأكلة هو الاسماك اللى موجودة وبيبقى فى حاجة زى الجزر كدة طول ما انت ماشى بيبقى عليهم حيوانات ..
كمان عاملين كهف ضلمة كبير جدا فية حيوانات وزواحف وطيور جارحة بس طبعا الكلام دة بيفصلك عنه أزاز بس كدة
كمان عاملين كهف ضلمة كبير جدا فية حيوانات وزواحف وطيور جارحة بس طبعا الكلام دة بيفصلك عنه أزاز بس كدة
فى كمان بيت الطيور ودة بتبقى حاجة حلوة أوى للأطفال أنهم يتصوروا مع البغبغانات وتقف على كتفهم
سعر العربية ب ٥٥٠ جنية ايا كان العدد الموجود داخل العربية ،
المواعيد : من 9 صباحا الي 5 مساءا بس كل ما تبقى بدرى كل ما تنبسط وممكن تخلص بدرى وتطلع تكمل اليوم فى الاسكندرية وترجع واهى تبقى خروجة الشهر كلة ليك وللأسرة
المواعيد : من 9 صباحا الي 5 مساءا بس كل ما تبقى بدرى كل ما تنبسط وممكن تخلص بدرى وتطلع تكمل اليوم فى الاسكندرية وترجع واهى تبقى خروجة الشهر كلة ليك وللأسرة
العنوان: أفريكانو بارك في الكيلو 65 على طريق الاسكندرية القاهرة الصحراوي.( يعنى أقرب للأسكندرية
0 التعليقات:
إرسال تعليق